Sibiri, zĩ-likr kiuugu dasma pisi la nu Yʋʋmd pʋgẽ da-yopoen Sibiri pisi la wɛ soaba (C) « Y sã n pa tuub y yel-wẽna y

Sibiri, zĩ-likr kiuugu dasma pisi la nu
Yʋʋmd pʋgẽ da-yopoen Sibiri pisi la wɛ soaba (C)
« Y sã n pa tuub y yel-wẽna y fãa kiida kũum a woto buudu.»
Ad Soaala koe-noogo a Luk Sõng sẽn gʋlse 13, 1-9
Wẽnd gomd kilsgu. Alleluya. Alleluya. Mam pa nong nin-wẽnsa kũum ye, mam sẽn date, yaa b teem zʋgo n paam n vɩɩnde. Alleluya.
Sega neb sẽn wa n togs yell ning sẽn pak Galile neb kẽere, a Pilat sẽn kɩt tɩ b zɩɩm kalm ne b maand dẽnna. T’a Zezi na n leok ba: «Yãmb tẽedame tɩ Galile nin-bãmba ra yaa yel-wẽn-maandb n yɩɩd b taaba bɩ? Ayoo! Mam yeta yãmba tɩ y sã n pa tuub y yel-wẽna, y fãa kida boto. La neb piig la a nii Siloe gaosga sẽn lʋɩ n bʋʋg n kʋ wã, yãmb tẽedame tɩ b beeg n yɩɩda Zerizalɛɛm neba fãa bɩ? Ayoo! Mam yeta yãmba tɩ y sã n pa tuub y yel-wẽna y fãa kiida kũum a woto buudu.» A Zezi wẽ-b la yelbũnd kãnga: «Ned n da sel kankang a pʋʋgẽ. A kẽngame n na n tɩ fãs a biis n pa yãe ye. T’a yeel pʋʋga koaada: ‹Yaa yʋʋm a tã marsã la m wat n baood kankanga biisi n pa yãetẽ ye. Bɩ f kɛɛg-a! Bõe yĩng t’a yãmbd zĩig zaalem? › Koaada leok-a lame: ‹Bas-y rõandã yɛs n gese, tɩ m tũ bok n gilg n gãneg birga. Daare a me na yaa n wom biisi; a pa wom marsã, y na kɛɛg-a. › »
D pẽg Soaala koe-noogã.