Sibiri, yʋʋm-sar kiuugu dasma yoobe Fãagda waoogo sɛglego da-yopoen pipi Sibiri (A) « A Zezi gesa zãma wã n wẽ siri tɩ

Sibiri, yʋʋm-sar kiuugu dasma yoobe
Fãagda waoogo sɛglego da-yopoen pipi Sibiri (A)
« A Zezi gesa zãma wã n wẽ siri tɩ b ra yɛɛ zãnga »
Ad Soaala Koe-nõogo a Matiye Sõng sẽn gʋlse 9, 35 – 10, 1.5a.6-8
Wẽnd gomd kilsgu. Alleluya. Alleluya. Soaala-Wẽnd n wilgd tõnd sore, bãmb la tõnd sɩletobãmb la tõnd dĩma, bãmb la tõnd Fãagda. Alleluya.
A Zezi ra kẽeda tẽn-bɛd la tẽn-bõonese, n maand karengo pʋʋsg rotẽ, n togsd Rĩunga kibar noogã la b sãoogd bãag la pa-keem buud fãa. A Zezi gesa zãma wã n wẽ siri tɩ b ra yɛɛ zãnga, tɩ b nensa surẽ wa piis sẽn pa tar pe-kɩɩma. Dẽ la b yeel b karen-biisi: «Kooda sẽn ta kɛɛba labsa, la kɛɛdba sõor paooda. Kos-y pʋʋga soaba t’a tʋm ka-kɛɛdba a pʋʋgẽ.» B boola b Tʋʋm-tʋmdb piig la a yiibã la b kõ-b-la tõog tɩ b rig Sʋtãamba la b sãoog bãag la pa-keem buud fãa. Bãmb piig la a yiibã la a Zezi yeel tɩ b saag n ges tẽnsã, n sagl-b woto:« Pʋg-y Israyɛl kamba sẽn kẽ-b weoog wa piisã. Sor zug bɩ y moon tɩ Wẽnd Rĩung kolgame. Sãoog-y bãad dãmba, vʋʋg-y kũum, tõog-y yĩng bãase, dig-y Sʋtãamba. B kõo yãmb zaalem, bɩ yãmb me kõ zaalem. »
D kils Wẽnd Gomdã.