Sibiri, sẽoogr kiuugu dasm pisi-la yoobe Yʋʋmd pʋgẽ da-yopoen Sibiri piig la yoob soaba (C) « Bas-y tɩ b bɩ n ta ka-kɛɛr

Sibiri, sẽoogr kiuugu dasm pisi-la yoobe
Yʋʋmd pʋgẽ da-yopoen Sibiri piig la yoob soaba (C)
« Bas-y tɩ b bɩ n ta ka-kɛɛrã la ka-kɛɛra wakato »
Ad Soaala koe-noogo a Matiye Sõng sẽn gʋlse 13, 24-30
Wẽnd gomd kilsgu. Alleluya. Alleluya. Wẽnd gomda bʋda tõnd ned kam fãa sũurẽ, zũ-noog soaba la sẽn deega t’a womd-a biisi. Alleluya.
Wẽnd kãnga, a Zezi le wẽe yelbũnd a to: «Arzãn Rĩunga wẽnda ned sẽn bʋd bõn-buud sõng a pʋʋgẽ. La neb sẽn waa n kẽ gõeem, a bɛ yiime n tɩ fẽeg bõn-buud yoogo n bas n looge. Kooda sẽn waa n tob vãado la b wek biisi la b sẽn yẽnd bõn-buud yoog me. Woto rakõapa tɩ yeela pʋʋga soaba: ‹Zu-soaba, ka bõn-buud sõng la y bʋd y pʋʋgẽ laa? Tũu ne bõe tɩ bõn-buud yoog me wa beẽ? › Pʋʋga soab leok-b lame: ‹Yaa bɛ nina n maan dẽ. › Tɩ rakõapa le sok: ‹Y ka rat tɩ d kẽng n tɩ võ ba? › Pʋʋga soab yeelame: ‹Ayoo! Bõn-buud yoogo võob wakato y wat n tudg n võo kood sõnga me. Bas-y tɩ b bɩ n ta ka-kɛɛrã la ka-kɛɛra wakato m na yeel kɛɛdba: deng n tigs-y kood yoogã n kals n yõog bugmẽ. Dẽ poor marsã y na kẽeb buud sõngã n sui m baoẽ. › »
D kils Wẽnd Gomdã.