Samedi 02-08-2025
Sibiri, sa-sik kiuugu dasma yiibu
Yʋʋmd pʋgẽ da-yopoen Sibiri piig la yopoe soaba (C)
« A Erod tʋmame tɩ b kẽng bi-bees roogẽ, n tɩ fiuug a Zã zugu. A Zã karen-biisã n waa n dɩk a Zã yĩngã n tɩ mum, n lɛɛg n wa wilg a Zezi.»
Ad Soaala koe-noogo a Matiye Sõng sẽn gʋlse 14, 1-12
Wẽnd gomd kilsgu. Alleluya. Alleluya. Sũnoog rãmb la sẽn n yãt namesgo b sɩd yĩnga, Wẽnnaam Rĩunga yaa bãmb soolem. Alleluya.
Komber, a Erod, waa n wʋmdame tɩ b tar a Zezi yʋʋra pẽgre t’a yeel a sõsd-n-taase: «Ad-y yaa Zã ning sẽn da kõt-a soobã; a vʋʋga kɩɩms sʋka, la rẽ n so la a maand wẽnd makr dãmba.» Sɩd me, a Erod n da kɩt tɩ b yõk a Zã n balg bãnga, n pag roogo. Yɩ-la a Erodiad, a Filip paga, poorẽ, t’a Erod n da rɩk a yao, a Filip, paga t’a Zã yet tɩ rẽ pa segd ye. A Erod tʋlgame meng n kʋ a Zã la a zoe neba nifu, tɩ b ra geta a Zã wa bãngda. A Erod waa n tẽega a rogem daare n maan kibsa. A Erodiad bi-pugl waa n saoo neere neba fãa nifẽ n noog a Erod sũuri al wʋsgo. Dẽ la a kãab bi-pugla t’a sẽn na n kos bũmb ning fãa a na paame. A ma saglg yĩnga, biiga yeelame: «Kõ-y maam mars marsã bala, laag pʋgẽ, a Zã zugu.» A Erod sũur sãama wʋsgo la a sẽn da kãab neba taoor yĩnga, a yeelame tɩ b maan biiga sẽn datã la a tʋmame tɩ b kẽng bi-bees roogẽ, n tɩ fiuug a Zã zugu. B sɩd talla a Zã zuga ne laag n wa kõ bi-puglã t’a reeg n kõ a ma. A Zã karen-biisã n waa n dɩk a Zã yĩngã n tɩ mum, n lɛɛg n wa wilg a Zezi.
D kils Wẽnd Gomdã.
Sibiri, sa-sik kiuugu dasma yiibu
Yʋʋmd pʋgẽ da-yopoen Sibiri piig la yopoe soaba (C)
« A Erod tʋmame tɩ b kẽng bi-bees roogẽ, n tɩ fiuug a Zã zugu. A Zã karen-biisã n waa n dɩk a Zã yĩngã n tɩ mum, n lɛɛg n wa wilg a Zezi.»
Ad Soaala koe-noogo a Matiye Sõng sẽn gʋlse 14, 1-12
Wẽnd gomd kilsgu. Alleluya. Alleluya. Sũnoog rãmb la sẽn n yãt namesgo b sɩd yĩnga, Wẽnnaam Rĩunga yaa bãmb soolem. Alleluya.
Komber, a Erod, waa n wʋmdame tɩ b tar a Zezi yʋʋra pẽgre t’a yeel a sõsd-n-taase: «Ad-y yaa Zã ning sẽn da kõt-a soobã; a vʋʋga kɩɩms sʋka, la rẽ n so la a maand wẽnd makr dãmba.» Sɩd me, a Erod n da kɩt tɩ b yõk a Zã n balg bãnga, n pag roogo. Yɩ-la a Erodiad, a Filip paga, poorẽ, t’a Erod n da rɩk a yao, a Filip, paga t’a Zã yet tɩ rẽ pa segd ye. A Erod tʋlgame meng n kʋ a Zã la a zoe neba nifu, tɩ b ra geta a Zã wa bãngda. A Erod waa n tẽega a rogem daare n maan kibsa. A Erodiad bi-pugl waa n saoo neere neba fãa nifẽ n noog a Erod sũuri al wʋsgo. Dẽ la a kãab bi-pugla t’a sẽn na n kos bũmb ning fãa a na paame. A ma saglg yĩnga, biiga yeelame: «Kõ-y maam mars marsã bala, laag pʋgẽ, a Zã zugu.» A Erod sũur sãama wʋsgo la a sẽn da kãab neba taoor yĩnga, a yeelame tɩ b maan biiga sẽn datã la a tʋmame tɩ b kẽng bi-bees roogẽ, n tɩ fiuug a Zã zugu. B sɩd talla a Zã zuga ne laag n wa kõ bi-puglã t’a reeg n kõ a ma. A Zã karen-biisã n waa n dɩk a Zã yĩngã n tɩ mum, n lɛɛg n wa wilg a Zezi.
D kils Wẽnd Gomdã.
En savoir plus sur DezPray
Subscribe to get the latest posts sent to your email.